Şair və qiraətçi Nazilə Səfərli növbəti açıqlaması ilə gündəmə səs salıb.
Xeber.biz bildirir ki, sənətçi instaqram səhifəsində yayımladığı videoaçıqlamada son günlər müğənnilərin efirlərə geyindiyi "oversize" (böyük ölçülü) pencəklərlərdən söz açıb.
Səfərli bildirib ki, əslində həmin növ geyimlər qadınlar üçün deyil kişilər üçündür:
"Bir nəfər Çindən kişilər üçün satmaq məqsədi ilə böyük bədən ölçülü pencəklər gətirib. Gətiriblər Bakıya amma görüblər ki, burada belə bir dəb yoxdur. Deyiblər necə edək ki, bu geyimlər satılsın. Qərara alıblar ki, kişilər bu pencəkləri almırsa mütləq şəkildə qadınlara sırımaq lazımdır. Həmin geyimləri 5-6 məşhura satıblar. O pencəkləri həmin o 5-6 məşhur şort və "kalqotka" ilə geyinib efirə çıxıb. Bu gün həmin o pencəkləri 5 qat bahasına bazarda satıllar. Narahat olmayın nə gətirirsinizsə gətirin, məşhurlara verin onlar geyinsin dəb eləsin, xalq da alacaq. Yenə yazıq kişilərin cibindən çıxdı".